Martina's Speeddating-Abenteuer
D Martina het sich scho lang nüm getraut, öppis Neus z probiere.
Scho zu lang het sie sich eifach gah lah und ihres Dating Läbe so leer akzeptiert.
Plötzlich het ihri Fründin Claudia mal vome Speed Dating-Event verzellt.
D Martina het gspann und ungläbig zuegloset.
Chan as würkli eh möglichketi sie? het sie sich gfrögt.
"Wieso nöd? wieso nöd mal öppis neuis usprobiere, Es chönnti ja spannend wärde!"
het si sich dänkt und so het sich alles ergäh
Churz drufabe het sie sich agmolde für en Event vo Herzchlopfe.
Am Samschtig Abig isches sowiit gsi, si het sich schick gmacht und isch chli nervös id Bar gange, wo de Event vo Herzchlopfe stattgfunde het. Sie het au richtig Herzchlopfe gha und hät Angst gha, dass es peinlich chönnt wärde oder das sie sich unwohl fühlt. Doch ihre sind d Wort vo ihrer Kollegin in Sinn cho: "bliib ganz entspannt und gnüss die neui Erfahrig!"
De Host vom Event het alli bherzlich empfange und d’Regle erchlärt.
"Das isch ja ganz eifach und en mega lockere Ablauf" het sich d Martina dänkt.
D Ziit isch sehr schnäll verbigange und Martina isch so locker druf gsi, dass alles rundume vergässe het!
Sie het sehr spannendi und au tüüfgründigi Gspröch dörfe erläbe
Zum Schluss het sie no mit em Carlo gredet. En junge, sehr symphatische Typ miteme lächle wie us de Colgate Werbig. Er het sofort en gsellige Indruck gmacht. Er het begeisteret vo sinere Liidenschaft für Musik und Basketball verzählt. D Martina völlig überwältiget und agnehm betäubt, het sich gwunderet, wie locker und angenehm s Gspröch verlaufe isch.
Martina het gmerkt, dass sie sich immer meh entspannt het. De Carlo het sie immer wieder zum Lache bracht mit siine witzige Gschichte. Und churz drufabe isch s 6 Minute Date au scho verbi gsi.
Gern hättis nachli länger chönne gah mitem Carlo, het si sich dänkt.
No am gliiche Abig nachhem Event händ sie ihres Gspröch wiitergfüehrt. D Martina isch so Glücklich das si de Schritt
Gwagt het.
Charlie's Speeddating-Reise
De Charlie het nie glaubt, dass Speeddating für ihn öppis Positivs cha sii. Er het sich immer unwohl gfühlt wen er vor siim Spiegel gstande isch. Selbstzwiffel und unzfriedeheit händ ihn immer dominiert. Mehrmals scho, heter mitem Gedanke gspielt eh neui Art vo Dating uszprobiere, aber leider isch er immer zu schüchtern gsi und het schlussendlich de Schritt nöd gwagt.
WO er aber Online chli gstöberet het und d Website vo Herzchlopfe gfunde het, hets ihn irgendwie packt. "Wieso nöd mal probiere, het er sich dänkt.
Scho am nächste Friitig Abig het er sich schön azoge und isch is Restaurant gange, wo de Event stattgfunde het. De Charlie isch so nervös gsi, dass er sogar eimal überleit het sich umdreie und wieder hei z gah.
Zum Glück het er sich trotzdem dezue enschiede, sich en schubs gäh und eifach mal go ineluege.
De Love Angel Mike vom Event het alli begrüsst und erchlärt wie de Abig ablaufe wird, de ganzi Ablauf erchlärt und de Teilnehmer eh guets gfühl und Unterstützig abote.
Au de Charlie wo am Afang ganz agspannt gsi isch, het sich nach de erste Rundi plötzlich ganz locker und im Flow gfühlt.
D’Ziit isch schnäll verbigange, und de Charlie het sich immer besser und besser gfühlt. Er het gar nöd realisiert wo de Abig plötzlich fertig gsi isch. Am liebste hätti er na meh Gspröch gah, will er so in Fahrt cho isch.
Begeischterät vo de Lüüt wo er het dörfe kännelerne und au vo sich sälber, het er sich Stolz wieder uf de Heiwäg gmacht.
Grad wo er dihei acho isch, het er scho eh Nachricht vom Mike übercho mit de Uswertig vom Abig. Und de Charlie hets fascht nöd chönne glaube, er het es Match gah mit sinere absolute Favoritin. Ungläubig und voller Euphorie het er ihre am nächschte Tag eh Nachricht gschribe.
Wie isch das nur möglich het er sich sälber gfrögt. "Ich bin doch nur en Abig inere Bar gsi und han mit Lüüt gredet" und jetzt han ich es Date.